Салхи мэт...

Ноовш... новш гэж... Хараал идмэр... Бичлэгээ хэтэрхий бүдүүлгээр эхэлж байгааг минь өршөөгөөрэй. Би урд шөнийн хачин түгшүүртэй, ойлгомжгүй, учир битүүлэг зүүднээсээ сүрхий таашаал авснаас ч тэр үү, эсвэл энэ өглөө тийм сайхан, дулаахан энергитэй байв уу... Юутай ч он гарснаас хойш мэдрээгүй тийм сайхан мэдрэмжээр бие болоод сэтгэлээ цэнэглэн орноосоо босч ирсэн юм. Тэгээд хамгийн сүүлд худалдаж авсан, хайртай зохиолчийнхоо номыг номын сангаасаа шүүрэн авч, орон дээрээ эргэн тухлаад уншиж эхэллээ... Өмнө нь,,, тодруулбал одоогоос 4-16 жилийн тэртээ би номноос гайхалтай таашаал авдаг байлаа. Өрөөндөө, эсвэл хээр талд ганцаархнаа суугаад, орчиноос тасарсан мэт байдалд орж байгаад номоо уншиж эхэлдэгсэн. Тэгээд тэрхүү номондоо бүрэн орж, уусан шингэж, тэрхүү зохиолд гарах баатруудын хувь заяаны төлөө сэтгэлийнхээ гүнээс санаа зовнидог байв. Заримдаа тэдгээр баатруудын нэг нь би л юм шиг санагддагсан.
""ҮХЭЛ"-ЭЭС АВАХ ТААШААЛ УДААН ҮРГЭЛЖИЛСЭНГҮЙ..." цааш унших »

"ТӨРӨӨГҮЙ, ҮХЭЭГҮЙ ОРЬ ГАНЦ МОД" цааш унших »

"ДАЛАЙГ ХУУРАЙ, УУЛЫГ НОЙТНООР..." цааш унших »

"МИНИЙ ЗУРСАН ЕРТӨНЦ" цааш унших »

"АМРАГ МИНЬ ТҮҮНД ХАЧИН ДУРГҮЙ" цааш унших »

“Дуурь бүжгийн эрдмийн театрын дэргэдүүр гарахад сэтгэлд их дулаахан энерги мэдрэгддэг. Энэ ягаан байшингаар орох болгондоо тайзандаа гүн хүндэтгэл үзүүлж, сэтгэлээ дотроо залбирдаг. Энэ нь эргээд надад ямар нэгэн байдлаар сайн сайхан зүйлийг авчирдагт итгэдэг” хэмээн ярих энэ эрхмийг Хөгжим бүжгийн коллежийн захирал, Монгол Улсын гавьяат жүжигчин Г.Эрдэнэбат гэдгээр нь хүн бүхэн танина.
Дуурь бүжгийн эрдмийн театрын гоцлол дууны анги үүсэн байгуулагдсаны 60 жилийн ойд зориулсан Viva l’opera ёслол хүндэтгэлийн ажиллагаа энэ сарын 27, 28-нд болох гэж буй. Монголын сонгодог урлагийн хөгжилд үнэтэй хувь нэмэр оруулсан, эх орныхоо нэрийг дэлхий дахинд дуурсгаж яваа үе үеийн дуучид хоёр үдшийн турш нэгэн дор чуулж, үзэгчидтэйгээ хамт баяраа тэмдэглэх юм. 

Гоцлол дууны анги бол Дуурь бүжгийн эрдмийн театрын тулгуур гурван баганын нэг
-Дуурь бүжгийн эрдмийн театрын Гоцлол дууны анги үүсэн байгуулагдсаны 60 жилийн ой энэ онд тохиож байна. Юуны өмнө танд баярын мэнд хүргэе?
-Соёлт хүн төрөлхтний бүтээсэн сонгодог урлаг гэдэг зүйл маань бүхий л урлагийн хэмжүүр болдог. Энэ гайхамшигтай урлагийн боловсон хүчнийг нь сонгодог урлаг 400, 500 жил хөгжсөн ЗХУ, Европын улсуудад бэлтгэж, тэндээс боловсон хүчин авчирч, төр засгийн маш хүчтэй бодлогоор 50, 60 жилийн турш маш сайн дэмжсэний ачаар байнгын ажиллагаатай Улсын дуурь бүжгийн эрдмийн театр өнөөдрийг  хүртэл оршин тогтнож байна. Академик театрын боловсон хүчин, удирдлагууд нь өндөр түвшинд боловсорсон, асар мундаг хүмүүс байдаг учиртай. Намайг захирлаар анх томилогдоход Сонгодог урлагийн театр нэртэй, дуурийн болон балетын гэсэн хоёр хүрээлэнтэй, их сонин тогтолцоотой байлаа. Би захирлаар ажиллаж байх үедээ Дуурь бүжгийн эрдмийн театр болгосон. Үүний дараа олон театр академик нэртэй боллоо шүү дээ. Тиймээс академик театр болтол сонгодог урлагийг эх орондоо дэлхийн түвшинд хөгжүүлж чадсан үе үеийн уран бүтээлчдээ бид ямагт бахархан дээдэлдэг.
"Г.Эрдэнэбат: Сонгодог урлагийнхан үзэгчдийг “Ирээч ээ” гэж гуйдаг цаг ард хоцорсон" цааш унших »

Улсын драмын эрдмийн театрын гэгээн танхим удаан уулзаагүй найз нөхөд, багш, шавийн халуун тэврэлт, уран бүтээлийн талаарх аминчхан ярианд умбалаа.
Өнгийн даашинз, өндөрт өсгийттэй гоо бүсгүйчүүд, ёслолын хувцас, нүүр дүүрэн инээмсэглэл тодруулсан залуус энэ үдшийн гэрэл гэгээг улам нэмж байв.
Монголын кино урлагийн үе үеийн уран бүтээлчид өнгөрсөн онд хийж бүтээснээ дүгнэн цэгнэж, шилдгийн шилдгээ шалгаруулан, “Acadamy Awards Mongolia 2012” наадмын гран при шагналыг олгохоор хуран чуулаад буй нь энэ.
"ЭМЭГТЭЙ ГОЛ ДҮРИЙН ЖҮЖИГЧИНГҮЙ КИНО НААДАМ" цааш унших »

Монгол хүний үнэт нандин зүйл, соёл иргэншил, удмын сангийн талаарх асуудал сүүлийн үед хүмүүсийн анхаарлыг багагүй татах болж, хэвлэл мэдээллийн хэрэгслүүд ч энэ сэдвийг хөндөн бичих болжээ. Энэ талаар Хүн судлалын үндэсний төвийн захирал, шинжлэх ухааны гавьяат зүтгэлтэн, доктор, профессор Ж.Батсуурьтай ярилцлаа.
-Та Москвагийн их сургуулийг хүн судлаач, хүний генетикч мэргэжлээр төгссөн,. Монголчуудын хувьд энэ мэргэжил төдийлөн танил бус, тиймээс та манай уншигчдад мэргэжлийнхээ талаар товч ойлголт өгнө үү?
-Генетик бол амьд организмуудын хэлбэр болон удамшлыг судалдаг шинжлэх ухаан бөгөөд хүний генетик нь үүний нэгэн салбар юм. Энэ шинжлэх ухаан хүний биологи, өсөлт хөгжил, сэтгэл санаа, оюун ухаан, удамшил, соёл биеийг судалдаг, маш өргөн хүрээг хамаардаг ухаан. Хүн гурван биетэй. Нүдэнд ил харагдах махан бие, өвөг дээдсээс заяасан соёл бие, энэ хоёрын хөрсөн дээр ухамсар бие бий болно. Ухамсар, оюун ухаан маань зангилагдаад сэтгэл биеийг бий болгодог. “Аливаа хүнийг эрхэндээ оруулъя гэвэл битгий зодож нүд. Сэтгэлийг нь л эрхэндээ оруул” гэдэг Монголчуудын айхтар үг байдаг даа.
"Ж.Батсуурь: Монгол хүний удмын санд цус ойртолтын аюул нүүрлээд байна" цааш унших »

Олны нүднээс эмээгээд Үнсэж ч зүрхлэлгүй чамайгаа Үдэн зогсном Гунигт шаргал навчис Чамайг зүглэн хуйларахуйд Зөрүүд салхин тэднийг эргүүлдэн исгэрэв
"ОЛНЫ НҮДНЭЭС ЭМЭЭГЭЭД..." цааш унших »

Хаврын улиралд ховорхон тохиодог нарлаг тогтуун өдрийн нэг байв. Бие минь автобусан дотор сууж, замын түгжрээнд яг суусан буудлаасаа тавхан алхам хөдөлмөгцөө л таг гацчихаад байгаа хэдий ч сэтгэл минь аль хэдийнэ 9 буудлын цаана дэгдэж оччихоод, амраг бүсгүйг минь энхрийлж зогслоо. Арайхийж нэг суудал олж аваад, тухлан сууж түшлэгийг нь налан нүдээ аньж хэсэгхэн зуур ч болов амар амгаланг мэдрэхийг хүсэмжлэв. Яг хүсэл минь биелдгийн даваан дээр ар талд хэн нэгэн нэлээд чангаар уурсан хашгичиж эхлэх нь тэр. Хүн бүр түүн рүү мууд дурласан харц чулуудацгааж байгаа нь ойлгомжтой. Өдөр бүр болж байдаг автобусны энэ жүжигт сонирхох юм юу ч үгүйг мэддэг атлаа хүмүүс тэгтлээ  сониучирхдаг нь хачирхалтай. Би ч энэ бүхэнд бүр дөжирч орхисон нэгэн. Тиймээс суудал дээрээ тухлахыг хичээн хавчигнаж байлаа. Нүдээ анимагц өнөөх бүсгүйн чанга дуу чихэнд хадаад болдоггүй. Агшин зуур толгойгоо өндийлгөн эргэж хараад өнөөх их дуут бүсгүйг харцаараа хайж эхлэв ээ. Гэвч түүнд дургүйцэж эвгүйцсэндээ бус, басхүү мууд дурласандаа ч биш юм шүү. Зүгээр л эргэж хармагцаа тэр олны дундаас түүнийг шууд олоод харчих нь тэр. Өө, тэнгэр минь... Автобусны хамгийн ар талын суудал дээр хайнгадуухан суугаад хөмсөгөө эцэст нь тултал зангидаж, уруул амаа татвалзуулан, утасны цаанаас өөрийг нь сонсох хэн нэгэнд бухимдлаа илэрхийлж буй тэр бүсгүй танил минь байлаа. Чин үнэндээ танилаас ч дотно, хамаг бүхнээс дотнохон, сэтгэлийн минь орон зайг эзэгнэгч байлаа.
"АЮУЛТАЙ ГОО ҮЗЭСГЭЛЭН" цааш унших »

Италийн алдарт “Сүйт залуус” Дуурь бүжгийн эрдмийн театрт зочиллоо.
Уг моно жүжгийг Италийн театрын найруулагч, жүжигчин Массимилиано Финназзер Флори, балетын гоцлооч Гилен Валериани, Монгол Улсын ДБЭТ-ын гоцлол хөгжимчин, Соёлын тэргүүний ажилтан Ц.Мөнхболд нар тайзнаа амилуулсан юм.
Италийн зохиолч Алессандро Манзонийн алдартай туужаас сэдэвлэсэн уг жүжиг маш урт замыг туулан ирж, Монголын үзэгчидтэй уулзсан бөгөөд очсон газар бүртээ дуулиан дэгдээж байсан хэмээн рекламдаж байлаа.
“Сүйт залуус” жүжиг зүгээр нэг хайр дурлалын дууль биш. Санаатай, эсвэл өөрийн мэдэлгүй өрнөдөг амьдрал буюу хувь хүнээс хамтын амьдралд шилжсэн хүмүүн төрөлхтний хувьсал өөрчлөлтийг харуулдгаараа өнөө цагийн бидний амьдралын түүхийг өгүүлсэн давхар агуулгатай гайхалтай жүжиг. Энэ ч утгаараа үзэгчдэд их юм өгч, эдүгээ бидний дунд оршин байгаа ертөнцийг буян хишиг, бузар нүгэл, зөрчил тэмцэлтэй нь үзүүлснээрээ үзэгчдийн сэтгэлийн утсыг хөндөх учиртай байлаа. Гэвч энэхүү зорилгоо бүрэн биелүүлж чадсангүй.
"“Сүйт залуус”-ын үзэгчид сэтгэл дундуур буцав" цааш унших »

Монгол Улсын гавьяат жүжигчин, Улсын драмын эрдмийн театрын жүжигчин Г.Урнааг урлагт хайртай ард түмэн болон урлагийнхан “жижиг Урнаа” хэмээн өхөөрддөг. Олон жилийн турш урлагт үнэнчээр зүтгэж, эцэг, эхээс заяасан нэрнийхээ өмнө жүжигчин, гавьяат, театрын гэх мэтчилэн олон чимэг зүүх болсон тэрбээр “Жагаагийн Урнаа л гэж дуудуулах хамгаас дуртай” гэсэн.
-Таны амьдрал ямар үйл явдлаар дүүрэн байна вэ?
-Юуны өмнө танай сонины уншигчдад энэ өдрийн мэндийг хүргэе. Улсын драмын эрдмийн театр маань 80 жилийнхээ түүхэнд анх удаа Японы алдартай туульсаас сэдэвлэсэн “Эсрэг дурлал” жүжгийг тавьж байна. Энэ бол миний тоглож буй хоёр дахь япон жүжиг. Өмнө нь “Цу эмэгтэй” хэмээх жүжигт жирийн тариачин эмэгтэйн дүрд тоглож байсан бол одоо их хатны дүрийг бүтээж байна. Японы ёс заншил, дэг жаяг, ахуй амьдрал биднийхээс тэс өөр. Түүнчлэн “Гэнжи монагата” зохиол нь Япондоо их алдартай учраас хөнгөхөн хийж яавч болохгүй. Тиймээс бүтэн дөрвөн сарын турш бэлдэж, огт өөр, цоо шинэ ертөнцөд хүрч, тэнд зохицон амьдрах шаардлагатай болсон.
"Г.Урнаа: Би өдөр ирэх тусам л баяжаад байна" цааш унших »